E mërkurë, 18 nëntor 2026

Rubrikat

Mbështet Limit.al

Partia japoneze i fton gratë të shikojnë në takime, jo të flasin

Disa ditë pasi shefi i Lojërave Olimpike Yoshiro Mori, është detyruar të japë dorëheqje si pasojë e komenteve seksiste për gratë, Partia në Pushtet në Japoni, Partia Demokratike Liberale, ka ftuar gratë që të marrin pjesë në takimet kyçe – për aq kohë sa nuk flasin.

Kjo parti ka propozuar që të lejojë pesë gra ligjvënëse që të vëzhgojnë takimet e burrave.

Ato nuk do të mund të flasin gjatë takimeve – vetëm të japin komente pasi të përfundojë organizimet.

Toshihiro Nikai, Sekretar i Përgjithshëm i partisë, ka thënë në një konferencë për media se ka plane për të ofruar perspektivë të grave në takimet e burrave.

Ai ka thënë se është i vetëdijshëm për kritikat rreth dominimit të burrave në bordin e partisë dhe se është e rëndësishme që gratë anëtare të partisë “të shikojnë” procesin e vendimmarrjes, transmeton agjencia e lajmeve Reuters.

Yoshiro Mori pati nxitur kritika të mëdha, kur ka thënë se gratë flasin shumë gjatë takimeve.

Mori, 83-vjeçar, i ka bërë këto deklarata kur është diskutuar për rritje të numrit të grave nëpër borde, duke thënë se “duhet të sigurohemi që koha e tyre është e kufizuar, sepse ato vështirë e përfundojnë fjalën”.

Ai ka dhënë dorëheqje javën e kaluar, duke i konsideruar deklaratat e veta “të pahijshme”.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota