E mërkurë, 18 nëntor 2026

Rubrikat

Mbështet Limit.al

Papa Françesku: Aktet terroriste minojnë dialogun ndërfetar

Aktet e fundit terroriste në Vjenë dhe Nicë janë një përpjekje për të minuar dialogun dhe bashkëpunimin ndërfetar, tha Papa Françesku të mërkurën.

Gjatë audiencës së tij javore, Françesku tha se format gjithnjë e më mizore të terrorizmit po përhapen në Evropë, duke përmendur në mënyrë specifike sulmet në Austri dhe Francë.

Udhëheqësi i 1.3 miliard katolikëve në botë i quajti ato “ngjarje të mjerueshme, të cilat përpiqen të minojnë – me dhunë dhe urrejtje – bashkëpunimin vëllazëror midis feve”.

Në Vjenë, një sulmues të hënën, vrau katër persona dhe plagosi 22 të tjerë.

Policia austriake vrau sulmuesin e dyshuar, që e identifikuan si Kujtim Fejzullai, 20 vjeç, me shtetësi të Austrisë dhe Maqedonisë së Veriut.

Grupi militant, Shteti Islamik mori përgjegjësinë për sulmin, pa dhënë prova.

Kancelari austriak Sebastian Kurz e quajti atë një “sulm të neveritshëm terrorist”.

Javën e kaluar, një burrë tjetër vrau tre persona në një kishë të Nicës, në atë që presidenti francez Emmanuel Macron e përshkroi si “një sulm terrorist, islamik”./ REL

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota