E mërkurë, 18 nëntor 2026

Rubrikat

Mbështet Limit.al

Oficerët e Sigurimit të Shtetit në fund të vitit 1990

Nga Kastriot Dervishi

Në fund të regjimit komunist, arma e Sigurimit kishte në tërësi një trupë prej 1.466 kuadrosh, shumica oficerë dhe legalë. Nga kjo shifër, një numër i vogël ishin ilegalë dhe nënoficerë. Megjithatë, drejtpërdrejt me terrenin ishte një numër më i vogël se kaq (do publikohet në vijim). Kryesisht ishin punëtorë operativë dhe oficerë drejtimi.

Krahasuar me vendet e tjera të Lindjes komuniste, në raport me popullsinë, paraqitet ky raport i një oficeri për banorë, gjatë gjithë ekzistencës së shërbimeve sekrete:

-595 banorë KGB (Bashkimi Sovjetik, për vitet 1917-1990)

-180 MIS (RDGJ) (për vitet 1950-1990)

-867 STB (Çekosllovaki) (për vitet 1944-1990)

-1.553 Sekurita (Rumani) (për vitet 1944-1990)

-1.574 SB (Poloni) (për vitet 1944-1990)

-300 Sigurimi (Shqipëri, për vitet 1944-1990)

Sigurimit i mungonte drejtimi cilësor, për inteligjencë nuk bëhet fjalë fare. Në raporte vërehen gabime të shumta, informacione të pasaktë dhe punë operative e pakët. Gjithë strategjia ishte në goditjen e shtresave të njohura si “armiq të popullit”, sesa te zhvillimi i teknikave të njohura të shërbimeve sekrete.

MIS në RDGJ kishte gjatë viteve 1950-1990 gjithsej 89.000 oficerë. Krahasuar me popullsinë, shifra është e lartë si në RDGJ ashtu edhe në Shqipëri. Duke pjesëtuar shifrën e përgjithshme të oficerëve, del informacioni i mësipërm edhe për vendin tonë. Në vendet e tjera të Lindjes oficerët e Sigurimit, anëtarë të një shkolle që nuk vlen për asgjë, janë hedhur me kohë në koshin e plehrave. Ndërsa në Shqipëri janë në pozita komanduese. Jo pak prej tyre, i shohim edhe në tavolina si “ekspertë sigurie”, kur në të vërtetë ata nuk janë veçse punëtorë partie. Përbën avantazh për administratën e sotme, origjina familjare me lidhje me Sigurimin. Për këtë nuk duhet ndonjë kërkim i madh. Mjafton të shohësh organikën e fundit të Sigurimit dhe do vëresh shumë drejtues të sotëm janë bijtë e tyre. Nuk është as rastësi e as punë zotësie. Është punë Sigurimi.

(Pjesë e një studimi dinamik në proces mbi diktaturën komuniste dhe armën e Sigurimit të Shtetit.)

(Në foto: Shifrat e oficerëve të Sigurimit, si dhe një klishe e propagandës së kohës. Një punëtor operativ (civili), bashkë me një polic gjatë takimit me një qytetar)

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota