E mërkurë, 18 nëntor 2026

Rubrikat

Mbështet Limit.al

Ndizen për herë të parë që nga fillimi i luftës në Gaza dritat e pemës në Bethlehem

Për dy vjet gjatë luftës në Gaza, të gjitha festimet publike për Krishtlindje u anuluan në Betlehem, ku të krishterët besojnë se lindi Jezusi.

Por pas armëpushimit të fundit, qyteti i shenjtë vendosi që këtë vit festimet të ktheheshin, siç simbolizohet nga ndezja e pemës së tij tradicionale gjigante të Krishtlindjeve përpara Kishës historike të Lindjes.

“Kanë qenë dy vite të këqija heshtjeje; pa Krishtlindje, pa punë”, thotë kryetari i bashkisë së Betlehemit, Maher Canawati. “Ne të gjithë jetojmë këtu nga turizmi dhe turizmi kishte rënë në zero.”

Kryebashkiaku pranon se ideja e rifillimit të festimeve nuk ishte pa polemika, ndërsa vuajtjet vazhdojnë në Gaza – përfshirë edhe ata në komunitetin e saj të vogël të krishterë, shumë prej të cilëve kanë të afërm në Betlehem.

“Disa mund të thonë se nuk është e përshtatshme dhe të tjerë thonë se është e përshtatshme”, më thotë zoti Canawati. “Por thellë në zemrën time, ndjeva se kjo ishte gjëja e duhur për të bërë sepse Krishtlindjet nuk duhet të ndalen ose anulohen kurrë. Kjo është drita e shpresës për ne.”

Me tensionet ende të larta në të gjithë rajonin, njerëzit në Betlehem thonë se po luten për paqe dhe shpresojnë që turistët të kthehen në vendin ku besohet se filluan Krishtlindjet.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota