E mërkurë, 18 nëntor 2026

Rubrikat

Mbështet Limit.al

Ndërkombëtarët kritikojnë përsëritjen e zgjedhjeve në Stamboll

Bashkimi Evropian kritikoi ashpër vendimin e Turqisë për të përsëritur zgjedhjet për kryebashkiak të Stambollit, pas fitores së opozitës.

“Sigurimi i një procesi zgjedhor të lirë, të drejtë dhe transparent është thelbësor për çdo demokraci dhe është në zemër të marrëdhënieve të Bashkimit Evropian me Turqinë”, tha përmes një deklarate shefja e politikës së jashtme të BE-së, Federica Mogherini.

Qeveria franceze u bëri thirrje autoriteteve turke të tregojnë “respekt për parimet demokratike, pluralizmin, drejtësinë dhe transparencën”.

Ministri i Jashtëm gjerman, Heiko Mass, tha se përsëritja e zgjedhjeve është “e pakuptueshme”.

Guy Verhofstadt, udhëheqësi belg i grupit liberal në Parlamentin Evropian, tha se Turqia po “shkon drejt diktaturës”.

Vendimi për përsëritjen e zgjedhjeve lokale në Stamboll u mor nga Kolegji Zgjedhor i Turqisë.

Muajin e kaluar, Partia për Drejtësi dhe Zhvillim (AKP) e presidentit turk, Recep Tayyip Erdogan, i ka humbur zgjedhjet lokale në Stamboll – qytetin më të madh të Turqisë – por Erdogan ka refuzuar të pranojë humbjen.

AKP ka thënë se ka pasur parregullsi që e kanë zhvlerësuar votimin.

Vendimi për të mbajtur zgjedhje të reja më 23 qershor shkaktoi protesta në Stamboll të hënën.

Kandidati i opozitës, Ekrem Imamoglu, i cili i fitoi zgjedhjet për kryetar të këtij qyteti, e përshkroi vendimin si “tradhti”.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota