E mërkurë, 18 nëntor 2026

Rubrikat

Mbështet Limit.al

Miliona përdoruesve në Australi iu është hequr aksesi në Facebook

Kompania Facebook bllokoi përdoruesit australianë nga mundësia e shikimit ose shpërndarjes së përmbajtjes së lajmeve, si kundërpërgjigje ndaj një projektligji, i cili detyron kompanitë e teknologjisë të paguajnë për përmbajtjen e lajmeve në platformat e tyre. Edhe disa faqe qeveritare dhe shëndetësore gjithashtu u bllokuan.

Qeveria e Australisë kritikoi veprimin duke thënë se këto masa tregojnë fuqinë e jashtëzakonshme në treg të këtyre gjigantëve të mediave sociale, raporton Vizion Plus.

“Veprimet e Facebook-ut për të mos qenë miq me Australinë, duke ndalur informacionet thelbësore mbi shëndetin dhe shërbimet e urgjencës, ishin sa arrogante aq edhe zhgënjyese”, shkroi kryeministri australian, Scott Morrison, në faqen e tij në Facebook.

Autoritetet australiane thanë se vendimi për bllokim e lajmeve ka një ndikim të madh në komunitet pasi llogaritet se çdo muaj, rreth 17 milionë australianë vizitojnë mediat sociale.

Franca është qeveria e parë europiane që po zbaton rregullat, por vendimi sugjeron që Google, Facebook dhe kompani të tjera do të përballen me kërkesa të ngjashme në pjesë të tjera të bllokut tregtar të 27 vendeve anëtare.

Vitin e kaluar, Facebook njoftoi se do të paguante organizatat e lajmeve në SHBA duke përfshirë The Ëall Street Journal, The Ëashington Post dhe USA Today. Asnjë detaj në lidhje me marrëveshjet financiare nuk u bë i ditur.

Zhvillimet në Australi dhe Europë sinjalizojnë që bilanci financiar midis kompanive të internetit që vlejnë miliarda dollarë dhe organizatave të lajmeve mund të ndryshojë.

Facebook dhe Google deri vonë ishin bashkë në kundërshtimin e këtyre masave. Edhe Google kishte kërcënuar se do të anulojë shërbimet në Australi. Por, në ditët e fundit kjo kompani ka njoftuar marrëveshje për të paguar disa publikues.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota