Pasi siguroi titullin e shtatë radhazi kampion në Itali, Juventus pritet të hapë siparin e një merkatoje që pritet të sjellë një minirevolucion në radhët e bardhezinjve.
Sipas Raisport, blerja e parë pritet të jetë ajo e Mateo Darmian. Mbrojtësi italian ka marrë dritën jeshile nga Mançester Junajtid për të nisur negociatat me Juventus.
“Zonja e vjetër” raportohet të ketë nisur kontaktet dhe me Antoni Martial. Francezi nuk ka patur shumë hapësira në 11-shen e Mourinjos tek Junajtid dhe kërkon një sfidë të re.
Hapa para janë bërë për Emre Can të Liverpul. Turko-gjermani përflitet prej kohësh si objektiv i bardhezinjve, por tashmë marrëveshja duket e mbyllur.
Po ashtu Pelegrini i Romës mbetet një tjetër objektiv.
Afrimi më i bujshëm pritet të jetë ai i Alvaro Moratas. Sipas Raisport, Juventusi ka gjetur akordin me klubin e Çelsit, sipas të cilit Morata huazohet për dy sezone me detyrim blerje në vitin 2020. Për Moratan do ishte një rikthim në shtëpi, pasi për dy sezone, 2014-2016, ai ishte pjesë e Juventusit.
Të fundit
Aktualitet
Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e GjermaniOpinione
Trazira në Europë, aty ku Perëndimi i trazuar takohet me Lindjen paqësoreAktualitet
Prishtina shtrenjton parkimin, deri në 20 Euro për një ditë në qendërAktualitet
Shqipëria dhe Kosova forcojnë bashkëpunimin për shpëtimin në maleAktualitet
Bota përballet me mungesë financimi prej 30 trilionë Eurosh



