E mërkurë, 18 nëntor 2026

Rubrikat

Mbështet Limit.al

Mbyllen përkohësisht kinematë e rrjetit të dytë më të madh në SHBA

Kompania që menaxhon rrjetin e dytë më të madh të kinemave në shtetet e Bashkuara po mbyll për një kohë të pacaktuar 536 kinema në vendndodhje të ndryshme, ndërsa shfaqja e filmave të rinj po shtyhet dhe njerëzit ngurrojnë të shkojnë në kinema nga frika e infektimit me koronavirus. Kompania “Cinemaworld Group” thotë se përveç mbylljeve në Shtetet e Bashkuara vendimi prek edhe 125 kinema në Britani.

Kopmania “Cineworld Group” po mbyll për një kohë të pacaktuar 530 kinema “Regal” në ShBA dhe rreth 125 qendra në Britani. Vendimi do të prekë rreth 45 mijë punëtorë thotë shefi ekzekutiv Mooky Greidinger.

“Mendoj se arritëm pikën ku nuk kishim mundësi tjetër. Është vendim shumë i vështirë për ne, sidomos lëvizjet që duhet të bëjmë me punëtorët. Nuk është e thjeshtë”,thotë ai.

Kompania i kishte mbyllur kinematë pas përhapjes së koronaviursit, por i rihapi ato në korrik.

“Në fillim u pritëm shumë ngrohtë nga klientët dhe pamë se njerëzve u kishte munguar kinemaja, ata donin të ktheheshin aty. Por në një fazë të caktuar, nuk kishim çfarë të ofronim”, thotë zoti Greidinger.

Kjo sepse studiot filmike po shtynin publikimin e filmave të rinj, siç ishte rasti i filmit të fundit “James Bond”. Prandaj për momentin nuk ka kuptim qëndrimi hapur, thotë zoti Greidinger.

“Ishim në një situatë ku humbjet ishin më të mëdha të qëndronim hapur sesa të mbyllur, sepse ishim si një dyqan ushqimesh pa ushqime. Prandaj duhej të vendosnim”, thotë shefi ekzekutiv i kompanisë “Cineworld Group”.

Ndërkohë rrjeti më i madh i kinemave në botë AMC Entertainment, njoftoi të martën se shumica e kinemave në ShBA dhe Evropë do të qëndrojnë të hapura.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota