E mërkurë, 18 nëntor 2026

Rubrikat

Mbështet Limit.al

Mbretëria e Bashkuar nis përdorimin e vaksinës Oxford/AstraZeneca

Në Mbretërinë e Bashkuar nisi të hënën imunizimi kundër koronavirusit me vaksinën Oxford/AstraZeneca.

Brian Pinker, 82 vjeç, u bë personi i parë që mori këtë vaksinë në Spitalin Universitar të Oksfordit.

Sekretari britanik i Shëndetësisë, Matt Hancock, e përshkroi vaksinën si “një moment shumë të rëndësishëm” në luftën e Mbretërisë së Bashkuar kundër koronavirusit.

Mbretëria e Bashkuar është një nga vendet më të prekura në Evropë, me mbi 2.6 milionë njerëz të infektuar me koronavirus dhe mbi 75,000 viktima.

Rregullatorët shëndetësorë britanikë e kanë miratuar vaksinën Oxford/AstraZeneca më 30 dhjetor.

Deri më tash, autoritetet kanë porositur 100 milionë doza nga prodhuesi AstraZeneca – të mjaftueshme për vaksinimin e 50 milionë njerëzve.

Në Mbretërinë e Bashkuar, qysh më 8 dhjetor, është në përdorim edhe vaksina tjetër kundër koronavirusit, e njohur si Pfizer/BioNTech.

Kjo vaksinë jepet tashmë edhe në vendet e Bashkimit Evropian, në SHBA, Kanada dhe disa shtete të tjera.

Vaksina Oxford/AstraZeneca pritet të çojë në rritje të konsiderueshme të vaksinimit, pasi është e lirë dhe prodhohet lehtë në masë.

Ajo mund të ruhet në frigorifer standard, ndryshe nga Pfizer/BioNTech që ka nevojë për ruajtje në temperaturë ultra të ftohtë: -70 gradë Celsius.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota