E mërkurë, 18 nëntor 2026

Rubrikat

Mbështet Limit.al

Mbi 700 mijë viktima në SHBA nga COVID-19, miliona refuzojnë të vaksinohen

Presidenti Joe Biden nëpërmjet një postimi në rrjetin social Twitter tha se kjo shifër e zymtë të copton zemrën. Sipas të dhënave gati 70 milionë amerikanë ende nuk e kanë marrë asnjë dozë të vaksinës.

“Vaksinimi është mbrojtja jonë më e mirë kundër COVID-19”, thotë drejtorja e Qendrave Amerikane për Kontrollin dhe Parandalimin e Sëmundjeve.

“Ne kemi në dorë mjetet shkencore të nevojshme për t’i dhënë fund kësaj pandemie”, theksoi ajo.

Në qytetin e Nju Jorkut, mësuesit e pavaksinuar kanë kohë deri të hënën në mëngjes për të ofruar një dëshmi të vaksinimit ose në të kundërt do të humbasin vendin e punës.

“Unë jam e gatshme të humbas vendin e punës dhe karrierën time e të mos vaksinohem”, thotë Rachel Maniscalco, mësuese në qytetin e Nju Jorkut.

Guvernatori i Kalifornisë njoftoi se shteti që ai drejton do të kërkojë vaksnimin e detyrueshëm kundër koronavirusit për nxënësit dhe mësuesit, pasi qeveria amerikane të ketë përfunduar verifikimin e plotë të të dhënave për vaksinat për të dyja grupmoshat, si për ata nga 12 deri në 15 vjeç edhe ata nga 5 deri në 11 vjeç.

“Unë me siguri do t’i heq fëmijët e mi nga shkolla”, thotë Amber Cornell, e cila është kundër vaksnimit të fëmijëve. Shumë prindër nga ana tjetër mezi presin miratimin e vaksinës për fëmijët.

Sipas një raporti të ri nga Fondacioni “Kaiser Family”, një e treta e prindërve me fëmijë të moshës 5 deri në 11 vjeç do t’i vaksinojnë fëmijët e tyre menjëherë pasi vaksina të miratohet.

Ndërkohë punonjësit e kujdesit shëndetësor raportojnë se janë kërcënuar nga pacientë dhe anëtarët e komunitetit që nuk besojnë se COVID-19 është e vërtetë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota