E mërkurë, 18 nëntor 2026

Rubrikat

Mbështet Limit.al

May shpalos prioritetet e Brexit-it para homologëve evropianë

Kryeministrja e Britanisë së Madhe, Theresa May

Kryeministrja e Britanisë së Madhe, Theresa May, kërkoi nga udhëheqësit e Bashkimit Evropian që të përqendrohen në arritjen e marrëveshjes për Brexit në dy muajt e ardhshëm, duke thënë se negociatat nuk do të zgjaten.

Brexit-i nënkupton procesin e daljes së Britanisë nga BE-ja, i cili duhet të përfundojë në mars të vitit të ardhshëm.

Ndër çështjet më të diskutueshme janë nivelet e integrimit të Britanisë me tregun e përbashkët të BE-së pas Brexit-it dhe natyra e kufirit midis Irlandës së Veriut – e cila është pjesë e Mbretërisë së Bashkuar – dhe Irlandës – anëtare të BE-së.

Në një darkë pune, të mërkurën në Salcburg, May u tha 27 homologëve evropianë se prioritet i saj janë mbajtja e lidhjeve ekonomike me BE-në dhe mbrojtja e Irlandës Veriore brenda Britanisë.

Brukseli këmbëngul se Irlanda e Veriut duhet të mbetet në përputhje me rregullat e saj, nëse nuk mund të gjendet një zgjidhje tjetër për t’i parandaluar kontrollet fizike të kalimit të mallrave në dhe nga Republika Irlandeze.

May tha se Brexit-i është një sfidë “e komplikuar”, porse duhet të përfundojë në kohë.

Pa praninë e May, liderët e vendeve të BE-së do të disktojnë sot çështje që përfshijnë marrëdhëniet e ardhshme të Mbretërisë së Bashkuar me BE-në dhe problemet rreth kufirit irlandez.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota