E mërkurë, 18 nëntor 2026

Rubrikat

Mbështet Limit.al

May: Referendumi i ri “do të thyente besimin e britanikëve”

Kryeministrja britanike, Theresa May pritet të paralajmërojë se mbajtja e një tjetër referendumi lidhur me Bashkimin Evropian “do të thyente besimin me popullin britanik”.

Ish-kryeministrat britanikë, John Major dhe Tony Blair janë vetëm dy prej personave që kanë bërë thirrje për mbajtjen e një refrendumi të ri, nëse deputetët nuk gjejnë gjuhë të përbashkët.

Pas këtyre deklaratave, May ka thënë të dielën se përkrahja që i ka dhënë Blair një tjetër referendumi është “ofendim ndaj zyrës që ka drejtuar më parë” dhe ka rrezikuar dëmtimin e negociatave për Brexit.

Andaj May pritet të argumentojë të hënën se një gjë e tillë do të “dëmtojë integritetin e politikave tona”.

Ajo ka shtyrë javën e kaluar një votim në parlamentin britanik për planin e saj të Brexitit, duke e pranuar se ai do të ishte refuzuar nga shumica.

Kryeministrja britanike pritet të njoftojë deputetët britanikë më vonë gjatë ditës lidhur me detajet e samitit të Këshillit Evropian, të mbajtur javën e kaluar, në të cilin May u ka bërë thirrje liderëve evropianë për t’i ndihmuar në arritjen e një marrëveshjeje.

Mirëpo liderët evropianë i kanë treguar asaj se marrëveshja për largimin e Britanisë nga BE-ja “nuk është e hapur për rinegociim”, ndonëse janë të mundshme disa sqarime shtesë.

Prandaj May ka thënë të premten se bisedimet e saj me liderët evropianë kanë treguar se janë të mundshme “diskutime shtesë dhe se Mbretëria e Bashkuar “do të punojë me përkushtim në ditët në vijim për të fituar sigurinë” që ajo beson se u duhet deputetëve të Britanisë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota