E mërkurë, 18 nëntor 2026

Rubrikat

Mbështet Limit.al

Macron, plan ambicioz për rindërtimin e Katedrales Notre Dame

Ndërsa ekipet e ekspertëve kontrollojnë stabilitetin strukturor të katedrales Notre Dame dhe punojnë për të përcaktuar shkallën e plotë të dëmeve nga zjarri masiv në ikonën shekullore të Parisit, Presidenti Emmanuel Macron parashtroi një synim ambicioz për rindërtimin e saj brenda pesë vjetësh.

Ai bëri propozimin për ta rindërtuar atë “edhe më të bukur” gjatë një fjalimi drejtuar mbarë vendit të martën në mbrëmje dhe ka në plan të shfrytëzojë mbledhjen e tij të kabinetit për të diskutuar rindërtimin dhe fondet që do të jenë të nevojshme për ta realizuar këtë plan.

Fillimi është i mirë; qytetarët e pasur francezë dhe bizneset kanë premtuar deri tani rreth 800 milionë dollarë.

Por ekspertët që kanë përgjegjësi për kryerjen e restaurimeve në katedrale të tjera historike paralajmërojnë se një punë e tillë mund të zgjasë disa dekada.

Zjarri shpërtheu të hënën në mbrëmje dhe u deshën 400 zjarrfikës të luftonin me flakët për nëntë orë për ta vënë atë nën kontroll.

Të gjitha katedralet në Francë do t’u bien këmbanave të tyre të mërkurën në mbrëmje për të shënuar 48 orët pas fillimit të zjarrit.

Koni dhe çatia e Notre Damit u shembën, por muret e katedrales, kulla e këmbanave dhe dritaret e qelqta të ngjyrosura mbijetuan.

Zyrtarët thanë se disa prej veprave të artit u dëmtuan, siç ishte organoja kryesore, por shumë prej veprave dhe objekteve mbijetuan dhe do të dërgohen në Muzeun e Luvrit.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota