E mërkurë, 18 nëntor 2026

Rubrikat

Mbështet Limit.al

Presidenti francez, Macron: Nuk ka vend për dhunë në Republikën tonë

Për të tetën ditë me radhë, me mijëra demonstrues në mbarë Francën protestuan kundër rritjes së çmimit të karburantit.

Ministri i Brendshëm Christophe Castaner tha se gjatë këtyre ditëve kishin dalë nëpër rrugët e Francës më tepër se 100,000 protestues, 8,000 prej tyre në Bulevardin e famshëm Champ-Elysees të Parisit. Në mbarë vendin pati 130 të arrestuar. Policia përdori gazin lotsjellës dhe pompat e ujit për shpërndarjen e protestuesve, të cilët ngritën barrikada dhe shkatërruan semaforët dhe shenjat e trafikut, veprime që shumë vetëve u sollën në mendje protestat e vitit 1968 në kryeqytetin francez.

Presidenti Emmanuel Macron shkroi në Twitter: “Turp për ata që sulmuan policinë. Turp për ata që qenë të dhunshëm ndaj qytetarëve të tjerë… Nuk ka vend për dhunë në Republikën tonë.”

Protestat patën si shkas rritjen e taksave dhe rrjedhimisht edhe çmimin e karburanteve dhe Ministria e Transporteve tha se kjo prirje do të vazhdojë në të ardhmen.

Presidenti francez Macron këmbëngul se taksat janë të nevojshme për të pakësuar varësinë e Francës tek karburantet fosile, si dhe për të investuar për energjinë e ripërtëritshme. Gjatë javës në vazhdim, zoti Macron pritet të bëjë të njohur plane të reja, që synojnë ta bëjnë më të lehtë “tranzicionin e energjisë”.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota