E mërkurë, 18 nëntor 2026

Rubrikat

Mbështet Limit.al

Macron do të kërkojë edhe ndalimin e videolojërave për fëmijët pas rrjeteve sociale

Presidenti i Francës, Emmanuel Macron, po shqyrton mundësinë e ndalimit të videolojërave të dhunshme, pas vendimit për të ndaluar përdorimin e rrjeteve sociale për adoleshentët nën moshën 15 vjeç në Francë.

Macron deklaroi se duhet të miratohen masa të reja rregulluese për videolojërat, inteligjencën artificiale dhe algoritmet, me qëllim luftimin e asaj që ai e cilësoi si “manipulim i informacionit” dhe mbrojtjen e të rinjve nga përmbajtjet e dëmshme.

Në një intervistë për median online Brut, presidenti francez u shpreh se masat synojnë të mbrojnë adoleshentët “nga ekranet që krijojnë trauma”, duke theksuar se ekzistojnë videolojëra me përmbajtje të dhunshme. Ai shtoi se nuk përjashtohet vendosja e ndalimeve, nëse ekspertët e shëndetit mendor dhe psikiatrit e konsiderojnë të domosdoshme.

Paralelisht, Macron u shpreh në favor të uljes së orëve mësimore në shkolla dhe rritjes së pushimeve për nxënësit, në mënyrë që ata të kenë më shumë kohë për aktivitete sportive dhe kulturore.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota