E mërkurë, 18 nëntor 2026

Rubrikat

Mbështet Limit.al

Macron dënoi “apokalipsin“ e Parisit

Protestat e „jelekëve të verdhë“ u kthyen në trazira të shtunën dhe në përleshje nëpër rrugët e kryeqytetit francez. Presidenti francez, Emmanuel Macron ndërpreu pushimin e fundjavës dhe paralajmëroi masa të rrepta.

Qeveria franceze ka marrë që nga nëntori masa të forta kundër prishësve të rendit e qetësisë. Por dhuna e së shtunës tregoi, se ato nuk mjaftojnë, theksoi presidenti Macron. Do të ketë „vendime të forta shtesë”, tha ai. Macron e kishte ndërprerë një pushim për ski në Pirene dhe ishte kthyer të shtunën në Paris. Në bulevardin Champs-Elysées, disa protestues me gurët e kalldrëmeve kanë qëlluar xhamat e dyqaneve, restoranteve dhe kafeneve. Sende të vjedhura u hodhën në barrikada që digjeshin, ndërkohë që dëgjoheshin thirrjet „revolucion” dhe „ky është apokalipsi”. 11 vetë u lënduan. Sipas policisë franceze u ndaluan 200 vetë.

Frankreich Gelbwesten | Proteste & Ausschreitungen in Paris | Luxusgeschäft (Reuters/B. Tessier)

Ministri i Brendshëm, Christophe Castaner i cilësoi zjarrvënësit si vrasës. Disa pjesëmarrës në protesta me sa duket „kanë udhëtuar për të shkatërruar”. Sipas tij ka një grupim prej „1500 vetësh ultra zë dhunshëm.” Kjo ishte fundjava e 18-të me radhë e të ashtuquajturve „jelekët e verdhë” që protestojnë në të gjithë vendin kundër politikës së reformave të presidentit Emmanuel Macron. Së fundmi numri i protestuesve ka rënë ndjeshëm.

Frankreich Gelbwesten | Proteste & Ausschreitungen in Paris | Longchamp (Reuters/B. Tessier)

la/wa/cgn (afp, dpa)

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota