E mërkurë, 18 nëntor 2026

Rubrikat

Mbështet Limit.al

Luksemburgu legalizon rritjen dhe përdorimin e kanabisit në shtëpi

Qeveria e Luksemburgut ka njoftuar ndryshime në ligjin për kanabisin për të legalizuar rritjen dhe përdorimin e tij për qëllime personale në shtëpi. Si pjesë e një pakete masash për trajtimin e kriminalizimin e përdorimit të drogës në këtë shtet me 632,000 banorë, të rriturit do të jenë në gjendje të rritin deri në katër bimë kanabisi për familje për përdorim personal.

Qeveria atje do të lejojë edhe shitjen e farave të kanabisit nëpër dyqane, së bashku me importimin e tyre nga jashtë ose të blera në internet. Luksenburgu duket se do të lejojë prodhimin vendor të farërave për qëllime tregtimi. Konsumimi dhe kultivimi i drogës do të lejohen vetëm brenda katër mureve të shtëpisë, edhe pse transportimi ose konsumimi deri në tre gramë nuk do të konsiderohet më vepër penale, por përkundrazi klasifikohet si kundërvajtje. Do të lejohen deri në katër bimë kanabisi për familje për përdorim personal.

Drejtuesit e të Gjelbërve  një nga tre partnerët e koalicionit në qeveri së bashku me Partinë Demokratike dhe Partinë Socialiste deklaruan se kjo masë përfaqëson një riorientim themelor të politikës së Luksemburgut kundrejt drogës. Qeveria në këtë qytet shtet anëtar të BE-së synon që të rregullohet përdorimi i kanabisit dhe te krijohet një alternativë ligjore ndaj tregut të zi.

Të Gjelbrit shtuan se objektivat kryesore të legjislacionit të ri mbi kanabisin do të ishin heqja e dënimit për prodhimin në sasi të vogël, ndaj blerjes dhe konsumimit të një sasie të caktuar kanabisi, si mbajtja e përdoruesve larg tregut të zi. Ndërkaq edhe Italia do të mbajë një referendum për dekriminalizimin e kanabisit dhe po ashtu Partia në koalicionin qeverisës të Finlandës mbështet legalizimin e kanabisit.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota