E mërkurë, 18 nëntor 2026

Rubrikat

Mbështet Limit.al

Lufta në Ukrainë godet ekonominë gjermane

Dërgesat industriale gjermane kanë rënë ndjeshëm në muajin mars, u tha në të dhënat e publikuar më 5 maj, teksa ekomonia gjermane është goditur nga pushtimi rus i Ukrainës.

Dërgesat ranë për 4.7 për qind në mars, krahasuar me muajin paraprak, u tha në të dhënat e agjencisë federale të statistikave Destatis.

Kjo rënie ishte një tregues i “qartë” i ndikimit që lufta në Ukrainë po ka në ekonominë gjermane, tha Ministria gjermane e Ekonomisë përmes një deklarate.

“Rritja e pasigurisë reflektohet në më shumë mungesë të dërgesave, veçmas në shtetet që nuk janë në Eurozonë”, tha ministria.

Dërgesat e huaja jashtë Eurozonës ishin 13.2 për qind në mars, ndërkaq kërkesa jashtë bllokut evropian u rrit me 5.6 për qind.

Porositë brenda vendit shënuan një rënie prej 1.8 për qind.

Rënia më e madhe është shënuar në mallrat kapitale, që përdoren nga kompanitë për prodhim. Dërgesat e mallrave kapitale shënuan rënie për 8.3 për qind.

“Në këto kohë të vështira politike dhe ekonomike, kjo rënie po ashtu tregon edhe ngurrimin për të investuar”, tha Destatis përmes një deklarate.

Po ashtu rënie ka pasur edhe në mallrat e tjera, ndërkaq dërgesat e konsumit janë rritur me 6.4 për qind.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota