E mërkurë, 18 nëntor 2026

Rubrikat

Mbështet Limit.al

Ligjvënësit britanikë miratojnë projektligjin për Brexit-in

Deputetët britanikë miratuan legjislacionin i cili do t’i lejojë Britanisë së Madhe të largohet nga Bashkimi Evropian, më 31 janar, përmes një marrëveshjeje, duke i dhënë fund përplasjeve tre vjeçare për kushtet e divorcit.

Deputetët votuan me 330 vota pro dhe 231 kundër.

Projektligji u miratua pas një debati tre-ditor.

“Koha është për të zbatuar Brexit-in. Ky projektligj do ta bëjë atë”, tha ministri për Brexit-in, Stephen Barclay, para deputetëve.

Legjislacioni tani dërgohet në dhomën e lartë të parlamentit dhe pritet të bëhet ligj në javët e ardhshme, duke lënë kohë të mjaftueshme për Britaninë e Madhe, të largohet në fund të muajit me një marrëveshje e cila do të minimizojë pasojat ekonomike.

Dalja e Britanisë së Madhe nga Bashkimi Evropian (Brexit), është shtyrë disa herë, pasi marrëveshja me Bashkimin Evropian, e arritur nga ish-kryeministrja britanike, Theresa May, ishte refuzuar tre herë në parlament.

Më pas, May dha dorëheqje nga posti dhe pasardhësi i saj, Boris Johnson, thirri mbajtjen e zgjedhjeve të parakohshme, në fund të vitit të kaluar. Ai fitoi një shumicë të madhe duke promovuar përfundimin e procesit të Brexit-it në fund të janarit.

Johnson është i bindur se marrëveshja e tregtisë së lirë me Bashkimin Evropian, të cilën ai e dëshiron pas daljes së vendit nga BE-ja , mund të negociohet me kohë, por homologët e tij të BE-së janë më pak të bindur në këtë drejtim.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota