E mërkurë, 18 nëntor 2026

Rubrikat

Mbështet Limit.al

Liderët e BE-së diskutojnë zotimet për neutralitet klimatik

Liderët e Bashkimit Evropian janë takuar në Bruksel në kohën kur atyre po u kërkohet të tregojnë gatishmëri që deri më 2050, BE-ja të ketë klimë neutrale.

Disa shtete të Evropës Lindore dëshirojnë që t’iu sigurohen garanci financiare, para se të arrijnë pajtueshmëri përmes së cilave bllokut evropian i duhet të ndalë plotësisht emetimet e gazrave serrë.

Ursula von der Leyen, udhëheqësja e re e BE-së, e ka vënë këtë çështje në krye të planit të saj “Marrëveshja e Gjelbër”.

Ky dokument parasheh ndarjen e miliarda eurove në buxhetin e bllokut evropian për mospërdorim të lëndëve djegëse.

Plani parasheh ndarje të fondeve nga Banka Evropiane për Investime duke mbështetur shtetet si Polonia, Republika Çeke dhe Hungaria, të cilat janë të varura nga industria e thëngjillit.

Presidenti i ri i Këshillit Evropian, Charles Michel, ka thënë para samitit se ai dëshiron që liderët e BE-së të zotohen se blloku evropian do të kthehet në vend me klimë neutrale deri më 2050.

Një situatë e tillë, sipas tij do të ishte “sinjal i fuqishëm për të ardhmen e Evropës”.

Kryeministrja e re e Finlandës, Sanna Marin, ka thënë se gjeneratat e reja presin nga BE-ja të veprojë më shpejt.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota