E mërkurë, 18 nëntor 2026

Rubrikat

Mbështet Limit.al

Liban, ministrja e Informacionit jep dorëheqjen

Ministrja libaneze e Informacionit, Manal Abdul Samad, njoftoi se ka dhënë dorëheqje nga detyra e saj pas shpërthimit të fuqishëm në Portin e Bejrutit që shkaktoi vdekjen e 158 personave dhe plagosjen e mbi 6 mijë të tjerëve, transmton Anadolu Agency (AA).

“Kërkoj falje nga libanezët që nuk i kemi përmbushur pritshmëritë e tyre. Nuk ka ndryshim në afat të shkurtër. Nuk ka mbetur më asnjë situatë për të përmbushur pritshmëritë e popullit pas katastrofës në Portin e Bejrutit, këshu që unë jap dorëheqjen nga detyra ime në qeveri”, tha Abdul Samad në një fjalim në televizionin shtetëror.

– Arrin në 5 numri i deputetëve të dorëhequr

Në anën tjetër, agjencia zyrtare e lajmeve të vendit NNA, transmetoi se deputeti Neamat Efram ka dhënë dorëheqjen si reagim ndaj shpërthimit të fuqishëm që tronditi Bejrutin.

Në këtë mënyrë, ka arritur në 5 numri i deputetëve që kanë dhënë dorëheqjen pas shpërthimit në Portin e Bejrutit.

Kreu i përgjithshëm i Partisë Kristiane Kataeb, Samy Gemayel, kishte njoftuar dorëheqjen 3 deputetëve të partisë në parlament si reagim ndaj shpërthimit në Portin e Bejrutit.

Edhe deputetja e pavarur Paula Yacoubian në një deklaratë nga llogaria e saj Twiter, duke bërë të ditur se ka paraqitur dorëheqjen e saj si reagim ndaj shpërthimit, i bëri thirrje të gjithë deputetëve për dorëheqje masive.

– Shpërthimi në Portin e Bejrutit

Më 4 gusht, në Portin e Bejrutit shpërtheu një zjarr në një depo ku gjendeshin lëndë shpërthyese, pas së cilës ndodhi një shpërthim shumë i fuqishëm që tronditi tërë qytetin. Në shpërthim kanë humbur jetën 158 persona dhe rreth 6 mijë të tjerë janë plagosur.

Presidenti libanez Michel Aoun ka deklaruar se shpërthimi është shkaktuar nga plasja e 2.750 tonëve nitrat amoniumi që ishte ruajtur në Portin e Bejruti për gjashtë vitet e fundit.

Pas kësaj deklarate, krahas medias sociale, në shtypin libian dhe atë botëror u ngritën shumë pyetje dhe pretendime.

Ndërkohë, ende mbetet e panjohur se përse është mbajtur për 6 vite në port 2.750 tonë nitrat amoniumi i cili ka veti shpërthyese.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota