E mërkurë, 18 nëntor 2026

Rubrikat

Mbështet Limit.al

Kryeministri i ri britanik premton “epokë të artë” për Britaninë

Kryeministri i ri britanik, Boris Johnson, ka premtuar “fillimin e një epoke të re të artë” për Britaninë e Madhe.

Deklarata e tij, është pjesë e fjalimit të parë si kryeministër në parlamentin britanik.

Johnson tha se qeveria e tij do të përfshihet me energji në negociatat për Brexit-in.

Ai gjithashtu siguroi, se qytetarët e BE-së që jetojnë në Britaninë e Madhe do të kenë “siguri absolute” në të drejtën e tyre për të jetuar dhe mbetur në vend.

Sa i përket daljes së Britanisë së Madhe nga BE-ja, ai iu tha ligjëvësve se një plan për dalje pa marrëveshje do të jetë prioriteti kyç i qeverisë së tij.

Megjithatë, ai potencoi se preferon një Brexit me marrëveshje dhe shtoi se do të punojë që kjo të ndodhë.

Johnson u tha deputetëve se marrëveshja e tërheqjes – e negociuar nga paraardhësja e tij, Theresa May me BE-në – ishte “e papranueshme për këtë Parlament dhe për këtë vend”.

Ish-kryeministrja britanike, Theresa May, e kishte dërguar tri herë marrëveshjen e Brexit-it në parlamentin britanik, mirëpo ligjëvënësit e kishin kundërshtuar.

Ajo më pas dha dorëheqje nga pozita e kryetarës së Partisë Konservatore dhe rrjedhimisht edhe nga pozita e kryeministres.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota