E mërkurë, 18 nëntor 2026

Rubrikat

Mbështet Limit.al

Kryeministri i Libisë kritikon “heshtjen” e aleatëve ndërkombëtarë

Kryeministri i Libisë, Fayez al-Serraj, e dënoi, siç tha, “heshtjen” e aleatëve të tij ndërkombëtarë derisa forcat kundërshtare po përparojnë në Tripoli.

Al-Serraj, i cili mbështetet nga Kombet e Bashkuara, po përballet me një kryengritje të udhëhequr nga gjenerali Khalifa Haftar.

Forcat e Haftarit, të cilat mbështesin një administratë paralele në lindje të Libisë, synojnë të vënë nën kontroll edhe kryeqytetin Tripoli.

Mbi 200 njerëz janë vrarë prejse kanë nisur luftimet më 4 prill, bëri të ditur Organizata Botërore e Shëndetësisë.

Derisa dhuna vazhdon, Al-Serraj tha për BBC-në se njerëzit “kanë nisur të ndjehen të braktisur nga bota”.

Ai tha se dështimi për të mbështetur qeverinë e tij, të njohur ndërkombëtarisht, “mund të çojë në pasoja të tjera”.

Al-Serraj tha se ka rrezik që grupi militant Shteti Islamik të përfitojë nga paqëndrueshmëria.

“Publiku është i irrituar nga heshtja e bashkësisë ndërkombëtare”, tha ai.

Kombet e Bashkuara, Shtetet e Bashkuara dhe Rusia kanë bërë thirrje për ndaljen e armiqësive.

Libia është shkatërruar nga dhuna dhe paqëndrueshmëria politike që nga koha kur sunduesi veteran, Muammar Gaddafi, është përmbysur nga pushteti dhe është vrarë në vitin 2011.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota