E mërkurë, 18 nëntor 2026

Rubrikat

Mbështet Limit.al

Kroacia, në hapin e anëtarëve më të zhvilluar të BE-së

Me rritjen e qëndrueshme të PBB-së dhe vlerësimin më të lartë të kreditor në historinë e saj, Kroacia po arrin shtetet më të zhvilluara anëtare të BE-së, tha kryeministri Andrej Plenkovic, në një intervistë me CNN.

Perspektivat e Kroacisë si anëtari më i ri i Bashkimit Europian për sa i përket rritjes ekonomike dhe arritjes së vendeve që i janë bashkuar BE-së më herët, janë shumë pozitive, tha Plenkovic për CNN.

Agjencitë globale të vlerësimit Standard&Poor’s dhe Fitch Ratings, kanë përmirësuar së fundmi vlerësimin kreditor të Kroacisë nga BBB+ në A-.

Kryeministri bëri të ditur se qeveria e tij do të vazhdojë të krijojë kushte më të mira për familjet dhe bizneset kroate, veçanërisht për investitorët e huaj, duke përfshirë edhe ata nga Amerika, me të cilët do të takohet gjatë qëndrimit në Nju Jork.

Ai tha gjithashtu se qeveria nuk do të braktisë politikën e qendrës së djathtë që ka ndjekur në tetë vitet e fundit.

Sidoqoftë, në Europë ka ndryshuar arkitektura politike. Sipas Plenkovic, arsyet për këtë janë pasojat e emigracionit të jashtëligjshëm, i cili ka ndikuar në sigurinë e qytetarëve, si dhe pasojat ekonomike dhe sociale të pandemisë Covid-19 dhe lufta ruse kundër Ukrainës, që ka shkaktuar krizën më të madhe energjetike, rritjen e çmimeve të energjisë dhe trysnitë inflacioniste.

Por institucionet europiane tani po nisin një mandat të ri dhe të gjithë anëtarët e Komisionit Europian vijnë nga parti të moderuara, tha Plenkovic. Shumica nuk ndikohet nga partitë e skajshme politike, shtoi ai.

“Ne po vëzhgojmë nga afër se çfarë po ndodh në Shtetet e Bashkuara”.

I pyetur për zgjedhjet e ardhshme presidenciale në SHBA, kryeministri kroat tha se zgjedhja e qytetarëve amerikanë duhet të respektohet.

Ne kemi bashkëpunuar me administratat e ish-presidentit Trump dhe presidentit Biden, do të respektojmë vullnetin e popullit amerikan, duam që çdo gjë të shkojë mirë dhe që demokracia amerikane të jetë më e fortë pas zgjedhjeve të nëntorit dhe jo më e dobët, siç ishte pas zgjedhjeve të mëparshme, theksoi Plenkovic.

Ne po vëzhgojmë me vëmendje se çfarë po ndodh në Shtetet e Bashkuara, tha ai, duke theksuar se ka shumë përçarje në shoqërinë amerikane, por se kështu po ndodh edhe në disa shtete të tjera demokratike.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota