E mërkurë, 18 nëntor 2026

Rubrikat

Mbështet Limit.al

Kina dënon paktin e sigurisë midis SHBA-së, Britanisë dhe Australisë

Kina e dënoi një pakt të sigurisë midis Shteteve të Bashkuara, Britanisë së Madhe dhe Australisë, duke e cilësuar si “jashtëzakonisht të papërgjegjshëm”.

Me paktin, që u shpall të mërkurën, SHBA-ja dhe Britania e Madhe do t’i japin Australisë teknologji për të ndërtuar nëndetëse me energji bërthamore, për herë të parë.

Ai u pa gjerësisht si përpjekje për të kundërshtuar ndikimin e Kinës në Detin e kontestuar të Kinës Jugore.

Rajoni, prej vitesh, ka qenë vatër tensionesh dhe mbetet i tillë.

Zëdhënësi i Ministrisë së Jashtme kineze, Zhao Lijian, tha se aleanca e saposhpallur rrezikon “të dëmtojë rëndë paqen rajonale dhe të intensifikojë garën e armatimit”.

Ai e kritikoi atë që e cilësoi si “mentalitet i vjetëruar i Luftës së Ftohtë” dhe tha se tre vendet “janë duke i dëmtuar interesat e tyre”.

Partneriteti i ri me emrin Aukus u shpall të mërkurën në një konferencë virtuale, ku morën pjesë presidenti amerikan, Joe Biden, kryeministri britanik, Boris Johnson, dhe kryeministri australian, Scott Morrison.

Kina nuk u përmend në mënyrë të drejtpërdrejtë, por tre udhëheqësit iu referuan në mënyrë të përsëritur shqetësimeve të sigurisë rajonale, të cilat thanë se janë “rritur ndjeshëm”.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota