E mërkurë, 18 nëntor 2026

Rubrikat

Mbështet Limit.al

KANADA – Niveli i papunësisë rritet në 5,9% në nëntor

OTAVA, 6 dhjetor /ATSH-AFP/ – Ekonomia kanadeze ka humbur 71 000 vende pune në muajin nëntor duke shkaktuar një rritje të nivelit të papunësisë në 5,9%, niveli më i lartë që prej më shumë se një vit, njoftoi sot agjencia e statistikave.

Pas disa muajve stabilitet, papunësia u rrit me 0,4% në nëntor dhe arriti nivelin më të lartë që nga vera e vitit 2018 (6% në gusht, 5,9% në shtator).

Në nëntor, humbjet e vendeve të punës kanë prekur kryesisht sektorët për prodhimin e mallrave (-28,000 punonjës në fabrika, -6,500 punonjës në burimet natyrore) dhe në administratat (-25,000 punonjës), sipas agjencisë kanadeze të statistikave.

“Punësimi është ulur tek burrat që i përkasin grupmoshës aktive nga 25 në 54 vjeç dhe tek gratë nga 55 vjeç e sipër”, theksoi agjencia.

Tek të rinjtë të moshës nga 15 në 24 vjeç, niveli i papunësisë mbetet i qendrueshëm në 11,6%.

Punësimi është ulur kryesisht në sektorin privat, ku numri i punonjësve është reduktuar me 50.000.

“Në një vit, ekonomia kanadeze ka krijuar 293 000 vende pune, një rritje me 1,6 %. Kjo rritje i atribuohet kryesisht punës me kohë të plotë”, theksoi agjensia./ /ec/

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota