E mërkurë, 18 nëntor 2026

Rubrikat

Mbështet Limit.al

Kabuli kërkon nga Evropa të pezullojë dëbimin e migrantëve

Kabuli kërkoi nga vendet e Evropës që të ndalojnë dëbimin e detyrueshëm të azilkërkuesve afganë gjatë tre muajve të ardhshëm, për shkak të dhunës në rritje të talibanëve dhe përkeqësimit të pandemisë së koronavirusit në Afganistan.

“Situata e luftës” dhe vala e tretë e infeksioneve me koronavirus kanë shkaktuar trazira ekonomike dhe sociale në Afganistan, tha Ministria e Refugjatëve dhe Riatdhesimit e Afganistanit.

Në deklaratën e saj thuhet se “situata aktuale në vend nuk është e përshtatshme për kthimin e detyrueshëm të migrantëve”.

Deklarata po ashtu shpreh shqetësim për rritjen e numrit të të zhvendosurve brendapërbrenda Afganistanit.

Talibanët janë duke shtrirë kontrollin në gjithnjë e më shumë territore, prejse forcat ndërkombëtare, të udhëhequra nga SHBA-ja, kanë nisur zyrtarisht tërheqjen nga Afganistani, më 1 maj.

Me gjithë rritjen e pasigurisë në vendin e shkatërruar nga lufta, shumë shtete evropiane po i dëbojnë azilkërkuesit e refuzuar të Afganistanit.

Ky vend ka regjistruar më shumë se 131,000 raste me koronavirus dhe mbi 5,500 viktima, prejse ka nisur pandemia, pranverën e vitit të kaluar.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota