E mërkurë, 18 nëntor 2026

Rubrikat

Mbështet Limit.al

John Kerry niset drejt Kinës për të diskutuar rreth klimës

I dërguari amerikan për klimën John Kerry, do të niset drejt Kinës më 14 prill, për të promovuar synime më ambicioze për klimën, para një samiti virtual, të cilin do ta drejtojë presidenti amerikan Joe Biden, javën e ardhshme.

Synimet e Kerryt janë për “të diskutuar rritjen e ambicieve për klimën globale”, para samitit të Bidenit për klimën më 22-23 prill, ka thënë Departamenti amerikan i Shtetit përmes një deklarate.

Aty është thënë se Kerry, mes tjerash, do të diskutojë edhe rreth përgatitjeve për konferencën e 26-të të Kombeve të Bashkuara për klimën, që mbahet në nëntor të këtij viti në Glasgow.

Bashkëpunimi i Kinës është “absolutisht kritik”, në luftim të krizave klimatike, ka thënë Kerry për kanalin CNN.

“Po, ne kemi mospajtime të thella me Kinën në disa çështje, absolutisht. Mirëpo klima duhet të ndahet”, ka thënë Kerry.

Shtetet e Bashkuara dhe Kina janë përplasur për çështje tregtare dhe të drejta të njeriut, tash e një kohë.

Kina zë vendin e parë në botë për emetime të karbonit nga djegia e naftës dhe thëngillit, Shtetet e Bashkuara janë të dytat.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota