E mërkurë, 18 nëntor 2026

Rubrikat

Mbështet Limit.al

Joe Biden, zyrtarisht president i 46-të i SHBA

Kongresi certifikon fitoren elektorale

Kongresi miratoi këtë të enjte në një sesion të përbashkët të dy dhomave asaj të përfaqësuesve dhe senatit, zgjedhjen e Joe Biden si president i 46 i Shteteve të Bashkuara.

Pas mësymjes së dhunshme dhe të paprecedentë të mbështetësve të tij në Kongres, që çoi në pezullimin e përkohshëm të seancës së certifikimit të fitores së demokratit Biden, presidenti në detyrë Donald Trump premtoi se më 20 Janar do të ketë një kalim të rregullt pushteti tek pasardhësi i tij.

Përmes një deklarate për shtyp të publikuar nga mediat, Trump shprehet se nuk e njeh fitoren e Biden dhe se ky ishte vetëm fillimi i betejës.

4 persona u vranë gjatë trazirave që shkaktoi mësymja e mbështetësve të Trump-it brenda në Kongres. Mes tyre, viktima e parë ishte Ashley Babbitt, 35-vjeçe, veterane e Forcave Ajrore Ushtarake ku ka shërbyer për 14 vjet. Ajo u qëllua për vdekje nga forcat e sigurisë. 52 protestues u arrestuan. Mbështetësit e Trump-it hynë deri në sallën e Senatit.

Punimet u rikthyen pasi Forcat Speciale nxorrën jashtë dhe shpërndanë manifestuesit. Kundër dhunës u shprehën edhe shumë anëtarë republikanë të kongresit, zv/presidenti Pence e shumë të tjerë.

“Kur mbërrita nga Uashingtoni, isha plotësisht e bindur ta kundërshtoja certifikimin e votave të Kolegjit. Por pas këtyre ngjarjeve detyrohem ta rishikoj vendimin dhe me ndërgjegje të pastër nuk mund të votoj kundër certifikimit”, tha senatorja republikane e Georgia-s, Kelly Loeffler.

“Ajo që ndodhi këtu ishte kryengritje e nxitur nga presidenti i Shteteve të Bashkuara. Ishte sulm i paprecedent në histori ndaj demokracisë tonë. Besoj që mënyra më e mirë për të respektuar votuesit është t’u themi të vërtetën, të pranojmë fituesin”, u shpreh senatori republikan i Utah, Mitt Romney.

Zv/presidenti Pense hodhi poshtë kërkesën e shefit të tij për të mos nisur seancën e certifikimit të rezultatit, ndërsa anëtarët e Kongresit kundërshtuan parregullsitë e pretenduara në 6 shtetet federale. Trazira nuk pati vetëm në Washington, por edhe në disa kryeqendra të shteteve federale.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota