E mërkurë, 18 nëntor 2026

Rubrikat

Mbështet Limit.al

Jemeni rrezikon të përfshihet nga zija e bukës

Një zyrtar i Kombeve të Bashkuara paralajmëron se Jemeni është në rrezik të përfshihet nga zija e bukës. Mark Lowcock, Nënsekretari i Përgjithshëm i OKB për operacionet humanitare informoi dje Këshillin e Sigurimit se Jemeni ndeshet tani me zinë më të rëndë të bukës që kanë parë ndonjëherë punonjësit e organizatës. Zyrtari bëri thirrje për përpjekje që të ndalet dhuna dhe të shtohen ndihmat humanitare:

Civilët që u largohen luftimeve mes forcave qeveritare dhe kryengritësve huti përballen tani me rrezikun e urisë masive. Fëmijët vuajnë nga kequshqyerja dhe janë në rrezik të vdesin nga uria, kolera dhe difteria.

“Vajza u sëmur papritur. U përpoqëm të kujdesemi për të por ajo vdiq pas dy ditësh. Pasi e varrosëm atë u sëmur djali. E dërguam në Sana, menduan se do të shërohej por edhe ai vdiq,” thotë një paciente me difteri.

Shefi i operacioneve humanitare në OKB informoi Këshillin e Sigurimit se shumë nga vdekjet janë shkaktuar nga uria:

“E dimë që shumë vdekje nuk raportohen. Vetëm gjysma e klinikave dhe spitaleve funksionojnë dhe shumë jemenas nuk e përballojnë koston e rrugës për të shkuar tek këto objekte,” thotë Mark Lowcock, shefi i Operacioneve humanitare të OKB-së.

Zyrtari i lartë thotë se sipas përllogaritjeve më të hershme, 130 fëmijë nën 5 vjeç vdesin çdo ditë në Jemen nga uria ekstreme dhe sëmundjet dhe se situata po keqësohet.

“Sipas analizës sime aktualisht ekziston një rrezik i qartë dhe i pranishëm që zija e bukës të përfshijë Jemenin në përmasa shumë më të mëdha se ç’kanë parë punonjësit tanë që merren me luftën kundër urisë në terren,” tha zoti Lowcock.

Zyrtarët e OKB-së përllogarisin se 1.8 milionë fëmijë vuajnë nga mungesa akute ushqimi në Jemen, 400 mijë prej të cilëve në nivele të rrezikshme për jetën. Nënsekretari i Përgjithshëm paralajmëron se e gjithë popullata është në rrezik urie nëse vazhdojnë luftimet. Ai thotë se ndihmat ushqimore nuk mjaftojnë për të ushqyer 29 milionë jemenas.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota