E mërkurë, 18 nëntor 2026

Rubrikat

Mbështet Limit.al

Iraku ndal internetin pasojë e protestave

Autoritetet irakiane e kanë ndërprerë internetin në Bagdad dhe në pjesën jugore të shtetit pas përleshjeve të reja mes policisë dhe protestuesve pranë ndërtesave qeveritare.

Organizata për siguri kibernetike, NetBlocks, njoftoi të martën se ky është kufizimi më i ashpër i internetit që është përdorur nga qeveria irakiane që nga fillimi i protestave më 1 tetor.

Ndonëse protestat civile dhe paqësore kanë qenë taktikat kryesore të kryengritjes që nga fillimi i kryengritjeve për rrëzimin e pushtetit, e hëna u përcoll edhe me përleshje të dhunshme.

Forcat e sigurisë përdorën plumba lufte kundër protestuesve në qendër të Bagdadit, ndërsa përleshje ka pasur edhe të martën.

Protestat u mbajtën para Ministrisë së Jashtme, Ministrisë së Drejtësisë dhe Ambasadës Iraniane. Protestuesit hodhën gurë, ndërsa policia u kundërpërgjigj me gaz lotsjellës dhe të shtëna armësh.

Që nga fillimi i protestave, rreth 270 njerëz janë vrarë. Shumica e viktimave janë protestues.

Në protestat që filluan para më shumë se një muaji po kërkohet luftimi i korrupsionit, përmirësimi i shërbimve publike dhe punësimi i rinisë.

Kryeministri i tanishëm ka premtuar se do t’i zbatojë disa reforma për t’i plotësuar kërkesat e protestuesve, por këta të fundit nuk janë të kënaqur me ofertën e pushtetit, shkruan “France24”.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota