E mërkurë, 18 nëntor 2026

Rubrikat

Mbështet Limit.al

Hong Kong, banorët sfidojnë urdhrin që ndalon maskat

Banorët e Hong Kongut dolën sërish sot në rrugë me fytyra të mbuluara, duke sfiduar kështu urdhërin e guvernatores që ndalonte përdorimin e maskave. Kombet e Bashkuara po u bëjnë thirrje palëve t’i japin fund dhunës në Hong Kong pas sulmeve të shumta, djegieve, plaçkitjeve dhe përplasjeve fizike me policinë.

Banorët e Hong Kongut filluan sërish të marshojnë sot, pas një nate të gjatë të përshkuar nga dhuna. Siç njofton agjensia e lajmeve Associated Press, njerëzit dolën me fytyra të mbuluara për të sfiduar urdhërin e guvernatores për ndalimin e maskave.

Duke folur para gazetarëve në kryeqytetin malajzian, Komisionierja e OKB-së për të Drejtat e Njeriut, Michelle Bachelet, bëri thirrje për një hetim të pavarur të dhunës gjatë protestave anti-qeveritare në Hong Kong. Ajo tha se lëndimet janë alarmuese.

“Jemi të shqetësuar nga niveli i lartë i dhunës në disa prej demonstratat e ditëve të fundit. Jemi gjithashtu të alarmuar nga plagosjet e policëve dhe protestuesve, ndër ta edhe gazetarë dhe protestues të qëlluar me armë nga policia. Dënoj me forcë të gjitha aktet e dhunës nga të gjitha palët dhe u bëj thirrje njerëzve që demonstrojnë dhe organeve të ligjit që të veprojnë në një mënyrë paqësore dhe jo të dhunshme”, tha zonja Bachelet.

Zonja Bachelet foli gjithashtu edhe për udhërin e vendosur të shtunën nga autoritetet e Hong Kongut për ndalimin e maskave.

“Ndalimi i mbulimit të fytyrës gjatë grumbullimeve publike përdoret në disa raste ndaj grupimeve të caktuara për t’ua kufizuar padrejtësisht lirinë e shprehjes dhe të organizimit paqësor. Liria e tubimit paqësor duhet të përjetohet me sa më pak kufizime të jetë e mundur. Por, në anën tjetër, ne nuk mund të pranojmë personat që përdorin maska për të prvokuar dhunë – kjo gjithashtu nuk është e pranueshme”, tha zonja Bachelet.

Autoritetet e Hong Kongut e vendosin kufizimin një ditë pasi guvernatorja Carrie Lam shpalli gjendjen e emergjencës, duke marrë kështu edhe fuqi të jashtëzakonshme.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota