E mërkurë, 18 nëntor 2026

Rubrikat

Mbështet Limit.al

Haradinaj: Me Kinën kemi raporte më të mira se me Bosnjën

Sarajevë, 2 korrik 2018 – Kryeministri i Kosovës, Ramush Haradinaj, ka shprehur keqardhje që Bosna e Hercegovina nuk e ka njohur pavarësinë e Kosovës.

Por, ai ka thënë se nga mosnjohja e shtetit të Kosovës nuk humb vetëm Kosova.

“Nëse njerëzit mendojnë se me mos-njohjen e pavarësisë sonë humb vetëm Kosova, mashtrohen thellë. Ata që mendojnë kështu vijnë nga rrugë të gabuara, që nuk e kuptojnë se ku jemi, por edhe ku po shkojmë”, ka thënë Haradinaj, për mediumin boshnjak “Avaz”.

Haradinaj e ka kritikuar qasjen e Bosnjës e Hercegovinës ndaj Kosovës, duke theksuar se për këtë arsye Kosova ka marrëdhënie më të mira me Kinën se me Bosnjës fqinje.

“Shikoni, njerëzit tanë udhëtojnë në Kinë, kinezët e njohin pasaportën tonë, madje e kanë edhe konsullatën e tyre këtu (në Prishtinë). Dhe, nëse e shohim kështu, Kosova ka raporte më të mira me Kinën e largët se sa me Bosnje e Hercegovinën fqinje”, ka thënë kryeministri i Kosovës, transmeton Koha.net.

Haradinaj ka folur edhe për marrëdhëniet e Kosovës me Serbinë. Ai ka thënë se Serbia “nuk e ka kohën e dynjasë” për të marrë vendim për njohjen e realitetit se Kosova është shtet evropian i pavarur, i orientuar kah Bashkimi Evropian dhe NATO-ja.

Haradinaj është shprehur i gatshëm që të vizitojë zyrtarisht Sarajevën. (r.m.)

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota