E mërkurë, 18 nëntor 2026

Rubrikat

Mbështet Limit.al

Gjykata e Lartë: Nuk ka aplikim për Kartë Jeshile për ata që shkelën kufirin

Gjykata e Lartë e Shteteve të Bashkuara njoftoi të hënën vendimin se imigrantët që ishin lejuar të futeshin në Shtetet e Bashkuara në baza humanitare nuk do të lejoheshin të aplikonin për statusin e banorit të përhershëm nëse kishin kaluar kufirin në mënyrë të paligjshme. Ky vendim përputhet me qëndrimin e administratës së Presidentit Biden.

Gjyqtarët morën në shqyrtim apelimin e një çifti nga El Salvadori të cilët kishin marrë statusin e mbrojtjes së përkohshme, por një gjykatë më e ulët kishte deklaruar se nuk kishin të drejtë të aplikonin për statusin e banorit të përhershëm, ose siç njihet ndryshe për Kartat e Gjelbra.

Gjykata e Lartë e mbështeti me votë unanime vendimin e gjykatës më të ulët, ku argumentohej se çifti nuk e gëzonte të drejtën për aplikim pasi ishte futur në Shtetet e Bashkuara në mënyrë të paligjshme.

Vendimi mund të ndikojë tek mijëra imigrantë, shumë prej të cilëve kanë jetuar në Shtetet e Bashkuara prej vitesh.

Presidenti Biden, i cili ka anuluar shumë politika të pararendësit në imigracion, ishte kundër kërkesës së çiftit në këtë rast gjë që e pozicionoi presidentin në kampin kundërshtar të grupeve për të drejtat e imigrantëve dhe demokratëve të tjerë.

Një ligj federal që mbulon aplikimin për statusin e rezidentit të përhershëm thotë se ata që aplikojnë për Kartë të Gjelbër duhet të “inspektohen dhe të pranohen” në Shtetet e Bashkuara. Procesi gjyqësor analizoi dilemën nëse Statusi i Mbrojtjes së Përkohshme , i cili i ofron përfituesit “status të ligjshëm” e përmbush standardin që kërkon ligji.

Gjykatësja liberale Elena Kagan, e cila shkroi opinionin shoqërues për vendimin e Gjykatës së Lartë shpjegon se “meqë Statusi i Përkohshëm Mbrojtës nuk ofrohet me një biletë për pranim në këtë vend, nuk eliminon faktin e futjes së paligjshme në SHBA që është faktor skualifikues (në aplikimin për status banimi të përhershëm)”.

Shtetas të huaj aplikojnë dhe mund të përfitojnë Statusin e Përkohëshëm Mbrojtës nëse në vendin e tyre ka pasur një krizë humanitare, si për shembull katastrofë natyrore apo konflikt të armatosur që e bën të rrezikshëm kthimin e tyre në atdhe. Në SHBA ka rreth 400,000 vetë me këtë status që i mbron ata nga dëbimi dhe u jep mundësi të punojnë ligjërisht në këtë vend.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota