E mërkurë, 18 nëntor 2026

Rubrikat

Mbështet Limit.al

Gjermania paralajmëron Francën për dobësimin e NATO-s

Ministri i jashtëm gjerman, Heiko Maas, e bëri një paralajmërim kundër dobësimit të NATO-s. Kjo është kundërpërgjigjja më e fuqishme që Berlini ia ka dhënë deri tash komenteve kritike të presidentit francez për aleancën ushtarake, për të cilën kishte thënë se i ka vdekur truri.

Presidenti Macron tha këtë javë në një intervistë për gazetën “The Economist” se NATO-ja është duke e përjetuar një vdekje të trurit, duke e cituar mungesën e koordinimit dhe qëndrimet e paparashikueshme të Shteteve të Bashkuara nën pushtetin e Donald Trump-it.

“Do të ishte gabim nëse e dobësojmë NATO-n. Pa Shtetet e Bashkuara, as Gjermania, as Evropa nuk do të mund ta mbrojnë veten në mënyrë efektive”, shkroi kryediplomati gjerman në një shkrim të publikuar në revistën gjermane “Der Spiegel”.

Megjithatë, ai e përkrahu thirrjen e presidentit francez për t’i forcuar kapacitetet mbrojtëse të Evropës. “Për këtë arsye po punojmë shumë së bashku me Francën për të ndërtuar një Evropë që punon shumë më ngushtë së bashku për politikat e sigurisë”, shkroi ministri Maas.

Vetë Gjermania është akuzuar nga Shtetet e Bashkuara dhe aleatët evropianë për shpenzime shumë të vogla në fushën e mbrojtjes.

Sidoqoftë, kancelarja Angela Merkel ka thënë se NATO-ja është shtylla qendrore e mbrojtjes së Gjermanisë, duke shtuar se vendet evropiane duhet të marrin më shumë përgjegjësi në këtë aleancë të sigurisë, shkruan “Reuters”.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota