E mërkurë, 18 nëntor 2026

Rubrikat

Mbështet Limit.al

Francë, ofrohet kontroll falas i lindjeve për vajzat deri në 25 vjeç

Ministri francez i Shëndetësisë tha se gratë e reja kanë të drejtën e kontracepsionit edhe nëse nuk mund ta përballojnë atë. Më parë, kontrolli i lindjes ishte falas vetëm për vajzat e moshës 18 vjeç e poshtë.

Ministri francez i Shëndetësisë Olivier Veran njoftoi gjatë një interviste një ditë më parë se së shpejti, të gjitha gratë e moshës 25 e poshtë do të mund të marrin falas pilulën e kontrollit të lindjes dhe mjete të tjera kontraceptive.

“Është e papranueshme që gratë të mos kenë mundësi të mbrohen e të përdorin mjetet kontraceptive vetëm sepse kjo kushton,” tha Veran për televizionin “France 2”.

Frankreich Gesundheitsminister Olivier Véran bei einer Pressekonferenz

MInistri francez i Shëendetësisë, Olivier Véran

Kjo lëvizje vjen në momentin kur presidenti Emmanuel Macron po përpiqet të korrë fitoret e brendshme përpara zgjedhjeve kombëtare të vitit të ardhshëm.

Kontraceptivët falas lidhen me rënien e aborteve

Më parë kontracepsioni ishte plotësisht falas për vajzat deri në 18 vjeç, pavarësisht nga sigurimi shëndetësor. Që nga hyrja në fuqi e kësaj mase në vitin 2013, gazeta “Le Monde” raporton se shkalla e aborteve në mesin e vajzave adoleshente ra ndjeshëm.

Veran tha se me ligjin e ri u përcaktua mosha 25 vjeç, pasi është kufiri kohor në të cilin vajzat nuk mund të mbulohen më nga sigurimi shëndetësor i prindërve të tyre dhe se duhet të ketë më shumë “pavarësi” në drejtim të zhvillimit “social dhe financiar”. Ai shtoi se të dhënat treguan një rënie të përdorimit të pilulës së kontrollit të lindjes në momentin kur ajo nuk ishte më falas.

Ministri i Shëndetësisë tha se plani do të kushtojë 21 milionë euro (24.8 milionë dollarë) në vit, por nuk tha se sa do të kursejë qeveria dhe individët duke shmangur shtatzënitë e padëshiruara.

Ligji i ri do të hyjë në fuqi më datën 1 janar, deklaroi Veran në “France 2”.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota