E mërkurë, 18 nëntor 2026

Rubrikat

Mbështet Limit.al

Ekonomia e Spanjës zhytet në recesionin më të thellë

Spanja është zhytur në recesionin më të thellë në historinë e saj moderne, si pasojë e pandemisë së koronavirusit.

Statistikat zyrtare bëjnë të ditur se ekonomia e saj është tkurrur për 18.5 për qind në periudhën prill-qershor.

Në tremujorin e parë të vitit, ajo po ashtu është tkurrur për 5.2 për qind.

Recesioni ndodh pas dy periudhave të njëpasnjëshme të rritjes negative.

Spanja ka qenë performuesja më e keqe në Eurozonë, e cila ka pësuar rënie të përgjithshme të bruto prodhimit të brendshëm (GDP) për 12.1 për qind – rënie kjo rekorde.

Ekonomia e Francës po ashtu është goditur rëndë. GDP-ja e saj ra për 13.8 për qind në tremujorin e dytë të vitit.

Agjencia e Statistikave e Francës tha se pika më e ulët ka qenë në prill, ndërsa rimëkëmbja graduale ka nisur në maj dhe qershor.

Italia, ndër vendet e para evropiane të goditura nga koronavirusi, raportoi rënie të ngjashme.

Ekonomia e saj u tkurr për 12.4 për qind, edhe pse rënia ka qenë më pak e pjerrët sesa pritej.

Dobësimi ekonomik ka ndodhur si pasojë e masave të izolimit që kanë ndërmarrë vendet evropiane, por edhe të tjerat, për frenimin e përhapjes së koronavirusit.

Në të gjithë Bashkimin Evropian, tkurrja ekonomike është 11.9%.

Agjencia e Statistikave e BE-së, Eurostat, tha se rënia është më e madhja prejse ka filluar regjistrimi i shifrave në vitin 1995.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota