E mërkurë, 18 nëntor 2026

Rubrikat

Mbështet Limit.al

Dështojnë bisedimet për paqe në Jemen

Bisedimet për paqe në Jemen kanë dështuar ditën e shtunë, pas tri ditë pritjeje të delegacionit të Lëvizjes Huthi, transmeton Reuters.

Megjithatë, të dërguarit e Kombeve të Bashkuara kanë premtuar se do të shtyjnë përpara çështjet diplomatike.

Dështimi i përfaqësuesve të rebelëve huthi për të shkuar në Gjenevë, në bisedimet e para në tri vjetët e fundit, ka vënë në pah ekzistencën e problemit, pavarësisht se procesi i paqes nuk është bllokuar, ka thënë i dërguari i posaçëm i OKB-së, Martin Griffiths.

Griffiths, i cili ka zhvilluar negociata me delegacionin e Qeverisë së Jemenit ka thënë se do të takohet me përfaqësuesit Huthi në Sanna dhe Muskat.

Duke iu referuar procesit të paqes, Griffiths ka thënë se shtunën se “rifillimi i procesit është moment shumë delikat dhe i ndjeshëm”.

Koalicioni i udhëhequr nga sauditët ka ndërhyrë në luftën në Jemen kundër rebelëve huthi më 2015, me qëllim të rikthimit të Qeverisë së kryeministrit, Abd-Rabbu Mansour Hadi.

Që nga ajo kohë, situata humanitare është përkeqësuar rëndë, duke përballur rreth 8.4 milionë persona me uri si dhe me dobësim të ekonomisë shtetërore.

Ministri i Jashtëm i Jemenit, Khaled al-Yamani, i cili njëherësh ka udhëhequr delegacionin qeveritar në këto bisedime ka akuzuar palën huthi për “papërgjegjësi totale” dhe tentim të “brakstisjes së negociatave”.

Yamani po ashtu ka kritikuar ashpër edhe Griffiths, i cili është anagazhuar për ndërmjetësim të të dyja palëve.

“Ne duam të OKB-ja të jetë më e ashpër, ashtu që të dërgojë palën tjetër para tavolinës së negociatave”, është shprehur ai.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota