E mërkurë, 18 nëntor 2026

Rubrikat

Mbështet Limit.al

Cilat janë 5 vendet më të mira për të punuar sipas sondazhit të Bankës Ndërkombëtare HSBC? Në krye të klasifikimit këtë vit është…

Sipas Bankës Ndërkombëtare HSBC, vendi më i mirë për “njerëzit ambiciozë që kërkojnë një shtysë në karrierën e tyre në vitin 2019” është Gjermania.

Ky është rezultati i një sondazhi të kryer te 22,318 persona që jetojnë jashtë vendit të lindjes, në 163 vende të botës. Arsyeja kryesore që i shtyn të rinjtë të lënë vendin e tyre të origjinës është pikërisht përmirësimi i kushteve të tyre të punës.

Për të përcaktuar rezultatet, pjesëmarrësit në sondazh u pyetën për të vlerësuar përvojën e tyre në punë në bazë të tetë pyetjeve të fokusuara te karriera. Përgjigjet e tyre u konvertuan në një vlerësim të përgjithshëm për vendin dhe u krahasuan me studimin e vitit të kaluar.

Faktorët e jashtëm, si klima ekonomike dhe politike, nuk u morën në konsideratë drejtpërdrejt, por mund të kenë ndikuar në vlerësimet e të intervistuarve.
John Goddard, kreu i HSBC Expat, dega bankare offshore e HSBC Group, tha se klasifikimi mund të jetë një shtysë për ata që kërkojnë të bëjnë një hap para në karrierën e tyre me një lëvizje jashtë vendit të lindjes.

Për herë të parë, në klasifikimin e këtij viti, Gjermania kapërcen Suedinë dhe Zvicrën. Nuk bëhet fjalë vetëm për kushtet e punës në vetvete. 65% e të intervistuarve e vlerëson vendin e punës më produktiv, kurse 70% e atyre që jetojnë dhe punojnë jashtë vendit të origjinës thotë që ekuilibri jetë personale – jetë profesionale është përmirësuar duke u transferuar në Gjermani.

5. Zvicra

Zvicra renditet në vendin e pestë në klasifikimin e këtij viti. Vendi ka marrë një vlerësim të mirë veçanërisht për progresin në karrierë. Thuajse dy të tretat e të intervistuarve, apo 62%, thanë që Zvicra ofron një mjedis të mirë për zhvillimin e tyre profesional. Megjithatë 63% e të intervistuarve pretendonin një ekuilibër më të mirë mes jetës profesionale dhe jetës personale krahasuar me vendin e tyre të origjinës.

4.Emiratet e Bashkuara Arabe

Emiratet e Bashkuara Arabe, me Dubain dhe Abu Dhabin, qendra ekonomike, renditen në vendin e katërt, duke ruajtur pozicionin për të katërtin vit me radhë si vendi më i mirë për ata që duan të jetojnë dhe punojnë jashtë vendit të origjinës.

Emiratet e Bashkuara Arabe vlerësohen veçanërisht për lehtësitë ekonomike. 95% e të intervistuarve thanë se kanë pasur përfitime si pjesë e kontratës së punës – niveli më i lartë në botë, ndërkohë, thuajse tre të katërtat (73%) thanë që perspektiva e tyre e fitimeve ishte më e mirë se sa në vendin e lindjes. Thuajse gjysma e të intervistuarve thanë se kultura e punës ishte më e mirë se sa në vendin e origjinës.

3.Britania e Madhe

Pavarësisht Brexit, Britania e Madhe është ngjitur me 6 pozicione, duke u renditur e treta në klasifikimin e vendeve më të dëshiruara për të jetuar dhe për të punuar. Me perspektiva të mira për zhvillimin profesional dhe personal, Britania e Madhe ka fituar pikë këtë vit për një ekuilibër të mirë mes jetës profesionale dhe personale dhe pagave të larta. Pjesa më e madhe e të huajve që jetojnë dhe punojnë në Britaninë e Madhe (58%) thanë që kultura e punës është më e mirë se në vendin e origjinës. Sipas të intervistuarve, Britania e Madhe është vendi më i mirë për të mësuar aftësi të reja dhe vendi i katërt më i mirë për të ngjitur shkallët në karrierë, duke lënë pas Hong Kongun, Shtetet e Bashkuara të Amerikës dhe Singaporin.

2.Bahrejni

Këtë vit, Bahrejn renditet në vend të dytë (+10 pozicione nga viti i kaluar) si vendi i dytë më i mirë për të huajt për të jetuar e për të punuar, falë lehtësive të shumta në kontratat e punës. 77% e të intervistuarve thanë se perspektivat e tyre të fitimeve ishin përmirësuar në Bahrejn krahasuar me vendin e origjinës (62% vitin e kaluar). Përveç lehtësive të shumta në kontratën e punës, Bahrejn fiton pikë edhe në zhvillimin e karrierës.

1.Gjermania

Në krye të klasifikimit këtë vit është Gjermania. Besnike ndaj reputacionit për efikasitetin, Gjermania është konsideruar edhe si një vend për progres në karrierë, me 65% e të intervistuarve që e cilëson si vend “produktiv”. 70% e të intervistuarve thonë që ekuilibri mes jetës profesionale dhe asaj personale është përmirësuar që kur është transferuar në Gjermani. Të huajt që jetojnë dhe punojnë në Gjermani e vlerësojnë vendin për kulturën e punës dhe nivelin e sigurisë në punë. Thuajse tre të katërtat e të intervistuarve raportuan për përmirësim të sigurisë në punë në Gjermani krahasuar me vendin e origjinës.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota