E mërkurë, 18 nëntor 2026

Rubrikat

Mbështet Limit.al

Çfarë diskutuan vendet e BE-së për dërgimin e municioneve shtesë për Ukrainën?

Blloku prej 27-vendesh premtoi se municionet do të arrinin në vijën e frontit të Ukrainës deri në pranverën e vitit të ardhshëm, në atë që do të ishte një rritje serioze e prodhimit.

Por deri më tani, vetëm 300 mijë fishekë janë dorëzuar nga stoqet ekzistuese të Bashkimit Evropian.

Gjatë një takimi të ministrave të Mbrojtjes dhe të punëve të Jashtme të BE-së në Bruksel, Boris Pistorius, ministri gjerman i Mbrojtjes, tha se ndoshta nuk do të përmbushet objektivi prej një milioni.

Më vonë Andris Spruds, homologu letonez, shtoi se objektivi fillestar nuk duhet të merret shumë seriozisht.

“Epo, sigurisht, një milion municione janë simbolike. Unë mendoj se aspirata dhe ambicia janë të rëndësishme”, tha ai.

Ndërkohë, shtetet e tjera anëtare ia vënë fajin prodhuesve, raporton skynews.

“Ne të gjithë kemi nënshkruar kontrata. Ne kemi bërë prokurime të përbashkëta. Kështu që industria tani duhet të japë. Ajo duhet të përshpejtojë lojën e saj për të prodhuar më shumë”, tha Kajsa Ollongren, ministrja holandeze e Mbrojtjes.

Marrja e një milion predhave të tilla mund të sigurojë stabilitet për Ukrainën për të paktën gjashtë muaj.

Kjo do t’i siguronte Ukrainës një avantazh të konsiderueshëm në operacione dhe fleksibilitet në fushën e betejës, sipas vëzhguesve.

Ishte vetëm Thierry Breton, komisioneri i BE-së, i cili këmbënguli se objektivi i prodhimit të industrisë mund të përmbushej, “por tani u takon shteteve anëtare të bëjnë porositë e tyre”.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota