Bashkimi Evropian ka rënë dakord ta shtyjë daljen e Britanisë deri më 31 janar vitin e ardhshëm, tha sot kreu i BE-së, Donald Tusk. Zoti Tusk tha në një mesazh në Twitter se “BE-27a ka rënë dakord të pranojë kërkesën e Britanisë për një zgjatje elastike të Brexit-it…” që do të thotë se Britania mund të largohet më herët nëse parlamenti i saj ratifikon projekt-ligjin e ndarjes me BE-në. Vendimi për një “zgjatje elastike” erdhi pas një takimi 30 minutësh të ambasadorëve të bllokut prej 27 anëtarësh në Bruksel, pasi Franca tërhoqi kundërshtimet e saj që e kishin bllokuar marrjen e një vendimi javën e kaluar. Çdo shtyrje për shkëputjen e Britanisë mund të pranohet vetëm me votën e njëzëshme të të 27 anëtarëve. Megjithatë, një shtyrje e tretë dhe e fundit e mundshme e shkëputjes, do të shoqërohej me kushte, duke përfshirë refuzimin për të rinegociuar marrëveshjen dhe duke lejuar anëtarët e BE-së të mblidhen pa Britaninë për të diskutuar mbi të ardhmen e bllokut.
Të fundit
Aktualitet
Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e GjermaniOpinione
Trazira në Europë, aty ku Perëndimi i trazuar takohet me Lindjen paqësoreAktualitet
Prishtina shtrenjton parkimin, deri në 20 Euro për një ditë në qendërAktualitet
Shqipëria dhe Kosova forcojnë bashkëpunimin për shpëtimin në maleAktualitet
Bota përballet me mungesë financimi prej 30 trilionë Eurosh



