E mërkurë, 18 nëntor 2026

Rubrikat

Mbështet Limit.al

Bora e parë bostoniane

Nga Namik SELMANI – Boston

Bora e bardhë bostoniane më zgjon vite fëmijërie
Të bën të marrësh një valle me fluturzat e bardha
Të nxjerr një lot në sy e të jep dritë nostalgjie
Të bën babagjysh që rizgjohet nëpër përralla.

Bora e parë qënka një dhëndërrim brenda vetes
Qënka çarçafi i bardhë i nënës, i mbetur nëpër tela
Të vjen Tomori, Korabi e pikëlat e strehëve
Të vjen trokëllima e serenatave nëpër zemra.

Të bën guximtar çapkën mes erës dhe rrugës me llohë .
Të bën pjesë të magjisë ku bëhesh Andersen i rilindur
Ooo, kjo borë bostoniane, të zbardh qerpikë dhe flokë ,
Të shkërmoqka vitet me një zjarr bubulak të pafikur.

Bora e parë paska përherë diçka të kadifenjtë, të butë .
Pak aromë nga magjja e gjyshes ku gatuhej mes këngësh brumi.
Ka ndjesinë e shamisë së dasmës a të ketrave në drurë ,
Të dallandysheve të largëta që vijnë dhe në orë gjumi.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota