E mërkurë, 18 nëntor 2026

Rubrikat

Mbështet Limit.al

Biden zotohet se do t’i mbrojë të drejtat e abortit

Presidenti i Shteteve të Bashkuara, Joe Biden, e dënoi një ligj të ri në shtetin e Teksasit, i cili e ndalon abortin qysh në të gjashtën javë.

Ligji “ekstrem” shkel haptazi të drejtat dhe “dëmton ndjeshëm” qasjen e grave në kujdesin shëndetësor, tha Biden.

Të mërkurën, Gjykata Supreme refuzoi bllokimin e ligjit të ri.

Ligji ndalon abortin pas zbulimit të rrahjeve të zemrës së fetusit – një pikë kjo kur shumë gra nuk e dinë që janë shtatzënë.

I ashtuquajturi Akt i Rrahjeve të Zemrës gjithashtu i jep çdo individi të drejtë t’i padisë mjekët që kryejnë abort pas javës së gjashtë.

Ai u nënshkrua nga guvernatori i Teksasit, Greg Abbott, në muajin maj.

Gjykata Supreme me shumicë konservatore nuk iu përgjigj një apeli urgjent nga grupet e të drejtave të grave dhe mjekët.

Në deklaratën e tij, presidenti Biden tha se administrata e tij do t’i mbrojë të drejtat kushtetuese, të vendosura me aktin Roe v Wade.

Biden iu referua një rasti të vitit 1973, në të cilin Gjykata Supreme e SHBA-së vendosi në favor të së drejtës së grave për të abortuar deri në mes të javës së 22-të dhe 24-t të shtatzënisë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota