E mërkurë, 18 nëntor 2026

Rubrikat

Mbështet Limit.al

Biden nënshkruan urdhrin që shënjestron kompanitë e mëdha teknologjike

Presidenti amerikan, Joe Biden, ka nënshkruar të premten një urdhër ekzekutiv, me qëllim të promovimit të konkurrencës.

Ky veprim vë në pah dëshirën e Bidenit për masa më të rrepta ndaj kompanive të mëdha teknologjike, të cilat administrata e tij i ka akuzuar për “dëmtim të konkurrencës”.

“Kapitalizmi pa konkurrencë, nuk është kapitalizëm. Është shfrytëzim”, ka thënë Biden teksa ka nënshkruar urdhrin.

Në të përfshihen 72 veprime dhe rekomandime, që përfshijnë 10 agjenci.

Në urdhër sugjerohet që problemet janë rritur pasi kompanitë e mëdha teknologjike kanë mbledhur shumë informacione personale, kanë blerë konkurrentët potencialë dhe kanë garuar në mënyrë të padrejtë me bizneset e vogla.

Në mesin e rekomandimeve është përfshirë edhe:

  • Vëzhgimi më i madh i blerjeve në sektorin e teknologjisë,
  • rregulla të reja që do të përcaktohen nga Komisioni Federal i Tregtisë për mbledhjen e të dhënave dhe
  • ndalimi i metodave të padrejta të konkurrencës në tregjet e internetit.

Administrata e Bidenit pritet të shënjestrojë edhe një numër sektorësh tjerë me këtë urdhër.

Në dokumentin e nënshkruar, inkurajohen agjencitë tjera qeveritare që të marrin hapa për të përmirësuar konkurrencën në fushat për kujdes shëndetësor, udhëtime dhe bujqësi.

Megjithatë, urdhri ekzekutiv, nuk nënkupton që rekomandimet e bëra do të nisin të fuqizohen menjëherë.

Agjencitë qeveritare gjegjëse duhet të zbatojnë ndryshimet e nevojshme, derisa disa elemente mund të jenë subjekte të proceseve gjyqësore.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota