E mërkurë, 18 nëntor 2026

Rubrikat

Mbështet Limit.al

BE miraton planet për prodhim të armëve të reja mbrojtëse

Qeveritë e Bashkimit Evropian dhanë të martën dritën e gjelbër për 13 projekte të reja mbrojtëse, një hap që synon prodhimin e më tepër armatimeve në mënyrë të pavarur nga Shtetet e Bashkuara.

Sipas planeve, me të cilat ranë dakord ministrat e mbrojtjes të BE-së në Bruksel, do të fillojë puna për një anije të re patrullimi, një armë elektronike zhurmimi për avionët dhe teknologji për gjurmimin e raketave balistike.

Për negocimin e projekteve u deshën shumë muaj. Javën e kaluar, presidenti francez Emmanuel Macron nënvizoi dëshirën për një bashkëpunim më të thellë në fushën e mbrojtjes mes vendeve të BE-së, duke thënë se aleanca mbrojtëse e NATO-s e drejtuar nga SHBA është “në vdekje klinike”.

Rreth 47 projekte të përbashkëta mbrojtjeje mes vendeve të BE-së janë tashmë në proces e sipër pas nënshkrimit të një pakti nga Franca, Gjermania dhe 23 qeveri të tjera të bllokut në fund të vitit 2017.

Pakti synon financimin, zhvillimin dhe stacionimin e forcave të armatosura nga këto vende pas vendimit të Britanisë për t’u larguar nga BE-ja.

Çdo armë e re në tokë, det, ajër ose në hapësirën kibernetike mund të vihet në dispozicion të NATO-s, por vënia në pikëpyetje e rëndësisë së aleancës nga presidenti amerikan Donald Trump, i ka dhënë shtysë të re përpjekjeve evropiane të mbrojtjes.

Presidenti Macron ka shprehur dyshime lidhur me parimin bazë të NATO-s se një sulm ndaj një aleati është sulm ndaj të gjithëve.

Megjithatë, shumë aleatë evropianë e kundërshtojnë portretizimin që ai i ka bërë NATO-s, si një aleancë e vdekur. NATO-ja do të mbajë një takim të nivelit të lartë në Londër më 4 dhjetor.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota