E mërkurë, 18 nëntor 2026

Rubrikat

Mbështet Limit.al

BE: Marrëveshja për Brexit-in brenda 6-8 javësh

Michel Barnier, negociatori i Bashkimit Evropian për daljen e Britanisë nga blloku – proces i njohur si Brexit, shprehu optimizëm për arritjen e një marrëveshjeje me Britaninë brenda 6-8 javësh, mbi kushtet e divorcit.

“Duhet të arrijmë një marrëveshje para fillimit të nëntorit, mendoj se është e mundur”, tha Barnier në një konferencë për media në qytetin Bled të Sllovenisë.

Brukseli dhe Londra janë duke punuar për të arritur marrëveshje mbi kushtet e largimit të Britanisë nga BE-ja më 29 mars të vitit 2019.

Dy palët kanë caktuar mesin e tetorit si afat për finalizimin e marrëveshjes, por Barnier ka thënë me javë të tëra se kjo datë mund të kalojë.

Më herët, ai ka thënë se marrëveshja do të jetë e nevojshme deri në mes të nëntorit, për të ofruar kohë për procedurat e kërkuara të ratifikimit.

Për rreth 85% të marrëveshjes së Brexit-it është rënë dakord, tha Barnier në Bled.

Sipas tij, mbeten ende çështje të mëdha për t’u negociuar, përfshirë këtu çështjen e kufirit irlandez, indikacionet gjeografike, të cilat specifikojnë origjinën e mallrave të caktuara bujqësore, dhe rolin e Gjykatës Evropiane të Drejtësisë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota