E mërkurë, 18 nëntor 2026

Rubrikat

Mbështet Limit.al

BE është skeptike me planin e ri britanik për Brexit-in

Zyrtarët e Bashkimit Evropian kanë shprehur dyshime, nëse propozimet e fundit britanike për Brexit-in, mund të prodhojnë një marrëveshje përpara afatit të 31 tetorit.

Agjencia e lajmeve Reuters, shkruan se BE-ja ishte e kujdesshme, për të mos hedhur poshtë propozimet shumë shpejt, dhe të dyja palët po tregohet të matura për të shmangur çdo fajësim, nëse procesi i Brexit-it përfundon me një përplasje mes palëve.

Kryeministri britanik, Boris Johnson, do të bisedojë përmes telefonit me Presidentin e Këshillit Evropian, Donald Tusk, dhe liderë tjerë evropianë.

“Ajo që ne po kërkojmë është që BE-ja të angazhohet pozitivisht në këtë proces, në mënyrë që të mund të punojmë së bashku për të arritur një marrëveshje”, tha një zëdhënës i qeverisë britanike.

Negociatorët e BE-së dhe të Britanisë së Madhe do të takohen më 4 tetor për të diskutuar propozimin e ri britanik, edhe pse zyrtarë të BE-së tashmë e kanë bërë të qartë se nuk janë afër arritjes së një marrëveshjeje.

Më 2 tetor, kryeministri britanik, Boris Johnson, paraqiti një plan “përfundimtar” në përpjekje për arritjen e një ujdie mes Londrës dhe Brukselit që do të mundësonte një dalje të Britanisë së Madhe nga BE-ja me marrëveshje.

Ai tha se alternativa e vetme e këtij plani do të ishte një Brexit pa marrëveshje.

Sipas planit, Irlanda Veriore në thelb do të qëndrojë në tregun e vetëm evropian për mallra, por do largohet nga bashkimi doganor, që nënkupton kontrolle të reja doganore.

Kryeministri Johnson ka përsëritur vazhdimisht se Britania do të largohet nga BE-ja më 31 tetor, dhe se nuk do të kërkojë zgjatje të afatit.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota