E mërkurë, 18 nëntor 2026

Rubrikat

Mbështet Limit.al

BE reagon ndaj fjalimit të Vuçiçit për Millosheviçin ku e cilësoi si një “udhëheqës të madh”

Bashkimi Evropian, tha të hënën se “ripajtimi, normalizimi dhe marrëdhëniet e fqinjësisë së mirë janë të mundshme nëse politikat e së kaluarës që i kanë sjellë shumë vuajtje e mjerim Ballkanit Perëndimore, hidhen poshtë dhe tejkalohen”.

Këto komente u bënë pas fjalimit të një ditë me parë të presidentit të Serbisë, Aleksandar Vuçiç, në Kosovë, ku ai e cilësoi si një “udhëheqës të madh” ish presidentin serb, Sllobodan Millosheviç, i cili vdiq në Hagë në vitin 2006 derisa po gjykohej për krime lufte dhe gjenocid në hapësirat e ish Jugosllavisë.

Presidentit serb, tha se pararendësi i tij, në qeverinë e të cilit ai ishte ministër i informacionit gjatë luftës në Kosovë, “qëllimet, gjithsesi i ka pasur më të mirat, por rezultatet i kemi pasur mjaft të këqija”.

Të hënën, Maja Kocijançiç, zëdhënëse e shefes së politikës së jashtme të Bashkimit Evropian, Federica Mogherini tha se “nuk guxon të lihet hapësirë për dykuptimësi apo lavdërim të atyre që kanë mbështetur politikën dhe veprimet e tij. Vendimet e gjykatave vendase dhe ndërkombëtare në këtë drejtim janë shumë të qarta”, tha ajo.

Ajo tha se ripajtimi dhe fqinjësia e mirë janë vlera për të cilat angazhohet Bashkimi Evropian dhe vendet e rajonit duhet të mbështesin këto parime.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota