E mërkurë, 18 nëntor 2026

Rubrikat

Mbështet Limit.al

Australia mbyll kufijtë për herë të parë në 100 vjet pas goditjes nga Covid-19

Kufijtë midis dy shteteve më të populluara të Australisë do të mbyllen nga e marta për një periudhë të pacaktuar, ndërsa autoritetet po përpiqen të përmbajnë një shpërthim të koronavirusit në qytetin e Melburnit.

Kjo është hera e parë në 100 vjet që kufijtë midis Victoria-s dhe Uellsit të Ri Jugor (New South Wales) mbyllen.

Për herë të fundit kufijtë midis dy shteteve u mbyllën në vitin 1919 gjatë pandemisë së gripit spanjoll.

Kjo masë mund të jetë një goditje për rimëkëmbjen ekonomike të Australisë, e cila gjendet në recesionin e saj të parë në gati tre dekada.

Australia ka regjistruar deri më tani 8,500 raste, por shpërthimi në Melburn (kryeqyteti i Victoria) ka ngritur kambanat e alarmit.

Numri i rasteve të reja të Covid-19 në kryeqytetin Viktorian është rritur në ditët e fundit, duke bërë që autoritetet të zbatojnë masa të rrepta të distancimit social në 30 periferi dhe të vendosin në izolim të plotë nëntë ndërtesa të banesave publike.

Vendi ka raportuar mesatarisht 109 raste çdo ditë gjatë javës së kaluar, krahasuar me një mesatare prej vetëm 9 raste në ditë gjatë javës së parë të qershorit./Reuters

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota