E mërkurë, 18 nëntor 2026

Rubrikat

Mbështet Limit.al

Amnesty International: Gratë në Iran sulmohen për kodin e veshjes

Videot e shpërndara në mediat sociale së voni tregojnë “nivele tronditëse të abuzimit” të grave në Iran nga policia e moralit dhe “bandat” pro-qeveritare, që përpiqen të zbatojnë kodin strikt të veshjes në këtë vend, tha organizata për të drejtat e njeriut, Amnesty International.

“Ligjet e detyrueshme të Iranit për hixhabet nuk janë vetëm thellësisht degraduese dhe diskriminuese, por përdoren edhe për të justifikuar sulmet e dhunshme ndaj grave dhe vajzave në rrugë”, tha përmes një deklarate Philip Luther, drejtor i programit për Lindjen e Mesme dhe Afrikën e Veriut, pranë Amnyesty International.

Ai tha se gratë në Iran “ndalohen vazhdimisht në rrugë nga policia e moralit, e cila i fyen dhe i kërcënon ato, i urdhëron të fshehin flokët nën shami ose u jep faculeta për të fshirë grimin”.

Gratë po ashtu sulmohen fizikisht, “duke u goditur në fytyrë, duke u rrahur me shkopinj dhe duke u vënë nën pranga dhe futur në furgonë të policisë”, thuhet në deklaratë.

Kodi islamik i veshjes është bërë i detyrueshëm në Iran që nga Revolucioni i vitit 1979.

Me këtë kod, gratë duhet të mbulojnë flokët dhe trupin në publik.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota